ACTO DE AGRADECEMENTO

O CPI Terras de Maside organizou o pasado xoves 30 de outubro do 2014 unha xuntanza cos maiores da Residencia Casa Grande de Maside no noso centro educativo onde participaron 250 alumnos/as de Ed. Infantil, Primaria e Secundaria. 

O motivo era o agradecer a Julia, Lucrecia e Adelaida  o seu traballo coidando do noso horto escolar ecolóxico durante o verán. E por suposto de María José “a directora da residencia” que as subía en coche ata a horta tódolos días,  e ás educadoras sociales Bea e Sheila que colaboraron conxuntamente con elas.  

Tamen se agradeceu a colaboración do IES Vilamarín do PCPI de Agrícolas xa que a súa axuda na preparación do terreo foi fundamental.

Acudiu ao acto o Sr Alcalde Celso xa que o Concello de Maside cedeu o terreno para instalar o horto.

Sen a axuda de todos eles non sería posible que este proxecto medioambiental se levase a cabo e se puidera facer a colleita en setembro das hortalizas e froitas.

No acto presentouse un vídeo onde se podía ver a colaboración interxeracional de nenos, mozos e maiores cun obxectivo común: coidar do horto escolar do CPI Terras de Maside.  

Foi un acto moi emotivo onde o director Luis Veloso Rodríguez  fixo entrega duns agasallos como mostra de agradecemento. Estes agasallos foron elaborados polo alumnado coa colleita da horta: marmelada de pemento, salsa de tomates, uns doces e un portaretratos de recordo. 

Os nenos e nenas d Ed. Infantil acompañados das súas profes animaron o acto co baile “Miña abuela Manuela”.

Aproveitando a celebración do Samaín unha das colaboradoras do horto, Lucrecia,  obsequiou aos presentes coa lectura dunha lenda de medo. Logo fíxose entrega dos premios do concurso de decoración de cabazas.